رواية جمانة الفصل الثاني عشر 12 بقلم هوس ريجا

رواية جمانة الفصل الثاني عشر 12 بقلم هوس ريجا

رواية جمانة البارت الثاني عشر

رواية جمانة الجزء الثاني عشر

رواية جمانة الحلقة الثانية عشر

غلقت مذكرتي بعد ماخلصت الكتابة واش ذنبو عمر يدي وحدة قلبها مع غيرو وواش ذنبي انا ندي واحد مانحبوش هذه نتيجة قراراتي لي نديها بتسرع حابة واحد يدلني حاسة روحي ضايعة بصح لي نعرفو مانيش حابة نشوف حمزة قدامي ماعلباليش اسكو ضميري يأنبني او تجرحت من كلامو وتصرفاتو ولا في زوج شفت تليفوني يصوني بنميرو جهينة هزيت عليها جاني صوت عمر الو جمونة ،وي _كيف حوالك ،لباس بقا يهدر معايا وانا ساكتة _جمانة ،اممم _حاب ندي رايك في موعد الخطبة سكت _جمانة يزي عاد انا نهدر معاك وانتي ساكتة احكي ريحي قلبي بقيت ساكتة _اك كيما تحبي ابقاي ساكتة كي تكوني حابة تحكي قوليلي وكوبا كسر خاطري نبرة صوتو فيها ترجي بلاني ربي بحب عذاب واقيلا جا الوقت نتقبل عمر مابقاش ونولي مرتو ومايجوزش نخمم في حمزة .
_____صباح فطنت على صوت جدة تنوض فيا نوضي حمزة يستنا فيك باه يوصلك للجامعة تخطفت من بلاصتي درت عندها حمزة ؟وقتاش جا هنا _جا فالليل كنتي راقدة وضك نوضي يالله يستنى فيك باه يوصلك ويروح ،مانروحش راح نروح وحدي فالكوس_نوضي بركاي من دلالك عيب عليك الراجل يستنا فيك برا ،قتلك مانروحش قوليلو ماهيش حابة تروح خرجت خلاتني مانيش حابة نشوفو سمعت صوتو يعيط من الكولوار جماااانة نوضي بركاي ما تعاندي فيا نطقت جدة هبلتني راسها يابس _جماااانة نص ساعة في يدك والله نفوت عندك نخليك ترقدي ماتنوضيش ،قتلك مانروحش راح نروح وحدي _راني واقف برا ونستنا فيك ياربي وماتخرجيش ماشي انتي لي تكسري كلامي وضرب الباب برجلو وراح خرج نضت قعدت هذا واشبيه منا مراهش حاب يشوفني ومنا نوضي نوصلك نضت غسلت ولبست حجاب مارو وخمار نوار وباسكات نوار وصاك نوار ممنوع نلبس السروال غير الحجابات والروب ويكونو عراض ماشي مفصلين هذه اوامر حمزة رحت فطرت وخرجت برا لقيتو متكي على الكوسالة وڨارو في يدو غير ركبت وغلقت الباب طار بالطوموبيل نص الطريق شعل البوسط على اغنية عقيل سالولي عليها. و جيبولي خبارها الى راهي مغبونة ولا مهنية ولا مازالها تجبد عليا ولا خلاص راهي ناسيا …. بقيت نشوف معاه كل كلمة من هذ الاغنية نطبعت في قلبي كي وصلت لمقطع” حياتي بلا بيك غبينة العيشة مرة ميزيريا و تقول ربي خلقك غي نتيا غي نتيا عدبتيني مين مشيتي عليا و حنانتك مازالها فيا عيشي حياتك ويلا غبنوك ولي ليا ولي ليا ضرب البوسط بيدو غلقو وشعل ڨارو وبقا ڨارو ورا خوه وانا عيني تبع غير فيه حافظة تفاصيلو وحركاتو ماعرف واشبيه متوتر ومقلق ويتنهد مع كل جبدة ونفثة تنهيدة وزفرة مهموم وانين وجع نعرف هذ الحركات مليح ڨاع فاتت عليا بقيت نراقبو بقلق متمنية نعرف واش بيه واش راه يفكر و وشنو شعورو وعلاش متناقض هكذا معايا هو انسان كتوم ماتدي منو لا حق ولا باطل وصلنا للجامعة ڨارا جيت نحل الباب نهبط استناي درت شفت معاه لاح يدو فالجيب جبد دراهم عطاهملي بلا مايدور عندي هاكي ،مانيش محتاجة عندي دار عندي تخنزر فيا احكمي ،مانحكمش عندي دراهمي _ اسلوبك فالكلام تريڨليه ،علاه كيفاه راني نهدر ماشي انت لي قلت ماعندنا حتى علاقة ببعض بصفتك واش راك تمدلي هذ الدراهم بقا يشوف معايا حليت الباب هبطت وخبطتو دخلت للجامعة فوت نهاري مع صحاباتي بين المحاضرات خلاصت قرايتي رحت وين الكوس لقيت لي بيس مشاو جيت ثم قعدت نستنا حتى يرجعو صونا تليفوني لقيتو هو ريبونديت عليه الو_وين راكي ،راني نستنا فالكوس _اخرجي راني برا نستنا وكوبا مايخلنيش حتى نجاوبو يعطيني امر ويكوبي نضت خرجت برا بقيت نحوس عليه وينو حتى سمعتو ورايا هيا امشي درت عندو راح نروح وحدي تخنزر فيا عندو خزرة كي يتخنزر فالواحد مستحيل واحد يحط عينيه في عينو نظرتو حادة وقوية ومستفزة وفيها تحدي هبطت راسي امشي وراسك اليابس يجي نهار ونكسرهولك شفت معاه بنص عين هز المفتاح قريب عماني وعينيك هذوك نعميهملك كون تزيدي تشوفي معايا هكذا بقيت نشوف معاه دخل فيا ماكيش قدي مزلتي صغيرة باه تحطي عينك في عين حمزة دورت وجهي _هيا معايا راح يمشي وانا وراه وصلنا الطوموبيل فتحلي الباب وفتح الباب ركب وركبت انا وراه …

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية جمانة)